MUNYANTARAMA Sadiki Umuhesha w’Inkiko wabaye ikigarasha
Nk’uko dusanzwe tubagezaho amakuru aturuka mu Rwanda cyane ku bijyanye n’ihigwa ry’abatavugarumwe n’ubutegetsi bw’Igitugu bwa FPR Inkotanyi burangajwe imbere na Kagame Paul, uyu mugabo witwa Sadiki MUNYANTARAMA yabaye Umuhesha w’Inkiko mu Rwanda ahura n’ibibazo bikomeye aho bashakaga ko agurisha mu cyamunara agatesha agaciro ibintu by’Abahutu bashakaga gukenesha barimo Mironko François , Kabuga Félicien, MUGARURA Alexis kimwe n’ibintu by’Abatutsi bigumuye kuri FPR barimo RWIGARA Assinapol.
Munyantarama Sadiki akiri mu Rwanda yabaye Umuhesha w’Inkiko w’Umwuga yikorera ku giti cye ari m’Urugaga rw’Abahesha b’Inkiko
Uyu mugabo yanze kuvugirwamo na Minisitiri w’Ubucamanza kimwe n’inzego z’iperereza zamushyiragaho igitutu ngo ateze cyamunara ahe abambari ba FPR bo muri sosiyete ya KAGAME yitwa Cristal Venture amazu yabo bantu ku giciro gitoya ayateshe agaciro, kugira ngo babahombye.
Aha ni mu myigaragambyo ya FDU INKINGI imbere ya Union Européenne i Bruxelles kuwa 19/06/2026 Sadiki Munyantarama ni uwa mbere uhereye i bumoso
Ibyo byose yabiteye umugongo, biza kumuviramo gutotezwa bikomeye arafungwa aza gutoroka igihugu ajya mu Bufaransa. Aho ahagereye rero yifatanije n’Ishyaka rya FDU Inkingi ryiganjemo abarwanya Leta y’u Rwanda, akaba asigaye agaragara mu bikorwa byo kwigaragambya kuri Ambassade y’Urwanda i Bruxelles mu Bubiligi.
Ibyo byose byatumye inzego z’Umutekano zimenesha umuryango we, umugore n’abana babiri baramenenganye birirwa bihishahisha babaziza ko umubyeyi wabo Munyantarama yagiye kwifatanya n’abanzi b’Igihugu. Bamugongeye umwana w’umukobwa arapfa nyuma banga ko ankete zikorwa, ndetse n’umugore we bamuhoza ku nkeke abazwa iby’umugabo we kandi icyaha ari gatozi.
Kuwa 09 /06/2026 mu gikorwa cya buri kwezi gihuza sosiete sivili n’amashyaka imbere ya Ambasade y’u Rwanda i Bruxelles mu gusaba ko Ingabire Victoire yafungurwa Munyantarama Sadiki ntiyahatanzwe
Twibutse ko n’Uwitwa HABIMANA védaste wari Perezida w’Urugaga rw’Abahesha b’Inkiko mu Rwanda nawe yatawe muri yombi agafungwa ku mpamvu zidasobanutse kuri dosiye bamuhimbiye bashaka kumwikiza. Iyi ngeso rero inkotanyi zirayifite, yo gushaka kwica abatavugarumwe n’ubutegetsi, kimwe n’abagerageza kurwanya akarengane gakorerwa abaturage gashingiye ku bwoko.
Kuwa 18/08/2026 hari mu gikorwa mpuzamashyaka ngarukakwezi bahurira imbere ya Ambasade y’u Rwanda i Bruxelles kugira ngo bamagane ihonyorwa ry’Uburenganzira bwa muntu mu Rwanda. Sadiki yarabyitabiriye ari inyuma y’abagore babiri yambaye ingofero mu mutwe
Kubw’iyo myitwarire ya MUNYANTARAMA Sadiki, kimwe n’abandi bahesha b’Inkiko, Abunganira abandi mu mategeko n’abandi baharanira uburenganzira bwa muntu, bakomeje kwamagana byimazeyo, banatabariza abarengana bose. Ukuri kuzatsinda ikinyoma cya FPR Inkotanyi.
Nkusi uwimana Agnes
